الاختلاف مش عيب - وعي عن متلازمة داون

Full transcript

ضيف يا جماعة، بتعرفوا شو الحلو بالاختلاف؟ إنّه كل واحد فينا إله شخصيته، وقدراته، وأحلامه! بس أحيانًا، أول ما نعرف إنّه آدم عنده متلازمة داون، بنصير نقرّر عنه شو بقدر يعمل وشو ما بقدر، من غير ما نعطيه فرصة يجرّب! يعني بالله عليكم، كيف بدنا نعرف قدرات آدم وإحنا لسه ما جرّبناه؟ هو زي أي واحد فينا، بس محتاج فرصة قبل الحكم! الأشخاص اللي عندهم متلازمة داون مش كلهم زي بعض، وكل واحد إله نقاط قوة واحتياجاته الخاصة، تمامًا مثل آدم وغيره. اللي بدهم إياه مش شفقة، بدهم فرصة حقيقية، واحترام صادق، وناس تؤمن فيهم وبإمكانياتهم، لا تحكم عليهم من أول نظرة. خلّينا نبطل نحكم من الشكل، ونتعلّم نشوف الإنسان قبل أي إشي تاني. وتذكّروا دايمًا: الاختلاف مش عيب، العيب إنّنا نحكم على حدا قبل ما نعطيه فرصة! وعي على الماشي… بنضحك، بنتعلّم، وبنتقبّل بعض.