كيف يكسر الهاكرز باسورد الواي فاي؟

Full transcript

لو دخلت دلوقتي على المتجر وكتبت 'برنامج معرفة باسوورد الواي فاي' هتلاقي آلاف التطبيقات، بس الحقيقة إن 99% منها سراب بيستغل جهلك عشان يعرض إعلانات أو ينزل ملفات تجسس. السؤال الحقيقي: الهاكر لما بيكسر باسوورد واي فاي، بيعمل إيه فعلاً؟ مساء الفل يا شباب، أنا المهندس كامل أحمد، وأهلاً بيكم في قناة Kamel Ahmed. الواي فاي مش كابل مقفول جوه الحيطة، هو موجات راديو طايرة في الهوا، وأي حد في النطاق يقدر يلقطها، ومن هنا جت الحاجة للتشفير. القصة بدأت بـ WEP، بروتوكول ضعيف قائم على خوارزمية RC4، كان بيسرب جزء من المفتاح مع كل حزمة بيانات، والهاكر كان بيجمع الحزم ده وفي 3 دقائق بس، التشفير بيقع كأنه ترباس بلاستيك! بعد انقراض WEP ظهر WPA وبعده WPA2، اللي بيستخدم تشفير AES القوي والمستحيل كسره رياضياً، لكن البشر بيختاروا باسووردات ضعيفة فالهاكرز بيدخلوا من هنا. وأخيراً عندنا WPA3، بيعتمد على مصادقة SAE، اللي بتخلي هجمات التخمين أوفلاين شبه مستحيلة حتى لو الباسوورد ضعيف.